YAMAN

Daig ang perlas, ginto at pilak

Walang katulad taglay na kislap

Pagmasdan, tunay na malalantad

Aking naiibang kayamanan

Alis ang pagod makita lamang

Tanggal sakit ng aking kalamnan

Ngiti'y bituin sa kalangitan

Kislap na patuloy ang pagkinang

Hindi ipagpapalit

Kahit na isang saglit

Di ito mawawaglit

Kahit na kuning pilit

Subukan mong salingin

Makikita ang bagsik

Lalabas ang galit

Di papiiit

PAG-IBIG

February 7, 2013

Pag-ibig...Masama o Mabuti?
Masarap magmahal...masakit masaktan

               Ang pagmamahal hatid ay ligaya sa pusong puno ng dusa. Taglay nitong gamot ay mabisa sa taong nalulumbay. Masarap mabuhay at mangarap kasama ang taong minamahal. Walang silbing mabuhay kapag walang pag-ibig.
                Madalas pagkasawi naman ang dulot nito sa iba. Lungkot ang hatid kapag mali ang taong pinag-ukulan nito. Para bang gumuho ang buong daigdig kapag nasawi sa pag-ibig.
                 Maging matalino sa pagpili ng taong mamahalin upang maging maganda ang pagtingin nating lahat sa pag-ibig.
                  Masama man o mabuti ang dulot...huwag matakot umibig.